കഴിഞ്ഞ രാജ്യാന്തര ചലച്ചിത്രമേളയ്ക്കുശേഷം അന്തരിച്ച ചലച്ചിത്ര പ്രവര്‍ത്തകര്‍ക്ക് പ്രേക്ഷകരുടെ ആദരാഞ്ജലി. അക്കാദമി വൈസ് ചെയര്‍മാനും ചലച്ചിത്ര സംവിധായകനുമായിരുന്ന ജോണ്‍ ശങ്കരമംഗലം, നടി ശ്രീദേവി, സംവിധായിക കല്‍പന ലാജ്മി, സംവിധായകന്‍ തമ്പി കണ്ണന്താനം, താരങ്ങളായ ക്യാപ്ടന്‍ രാജു, കൊല്ലം അജിത്ത്, കലാശാല ബാബു, എഴുത്തുകാരന്‍ എം. സുകുമാരന്‍, അകാലത്തില്‍ പൊലിഞ്ഞ വയലിന്‍ മാന്ത്രികന്‍ ബാലഭാസ്‌കര്‍, ഗസല്‍ ഗായകന്‍ ഉമ്പായി തുടങ്ങിയവര്‍ക്കാണ് ചലച്ചിത്രമേള ആദരാഞ്ജലി അര്‍പ്പിച്ചത്. ചടങ്ങിനോട് അനുബന്ധിച്ച് എം സുകുമാരന്‍ കഥയും സിനിമയും എന്ന പുസ്തകം കെ.പി കുമാരന്‍ ഫിലിം സൊസൈറ്റി പ്രവര്‍ത്തകനായ കെ.എം ഗഫൂറിന് നല്‍കി പ്രകാശനം ചെയ്തു. ചലച്ചിത്ര അക്കാദമി പുറക്കിറക്കിയ പുസ്തകത്തിലെ ലേഖനങ്ങളുടെ സമാഹരണം പ്രദീപ് പനങ്ങാടിന്റേതാണ്.
കിഴക്കന്‍ രാജ്യങ്ങളെ ലക്ഷ്യമാക്കി വന്ന പോര്‍ച്ചുഗീസ് നാവികപ്പട വീണ്ടുമെത്തുന്നു,ഇത്തവണ ചലച്ചിത്രമായി.23 ആമത് അന്താരാഷ്ട്ര ചലച്ചിത്ര മേളയുടെ ലോക സിനിമാ വിഭാഗത്തി പ്രദര്ശനത്തിനെത്തുന്ന പിലിഗ്രിമേജ് ആണ് പോര്‍ച്ചുഗീസ് നാവിക പര്യവേഷണങ്ങളുടെ ഓര്‍മപ്പെടുത്തലാകുന്നത് .പിലിഗ്രിമേജ് അടക്കം 8 ചിത്രങ്ങളുടെ ഏഷ്യയിലെ ആദ്യ പ്രദര്‍ശനത്തിനും മേള വേദിയാകും. 16 ആം നൂറ്റാണ്ടില്‍ ജീവിച്ചിരുന്ന പോര്‍ച്ചുഗീസ് നാവികന്‍ മെന്‍ഡസ് പിന്റോയുടെ ഡയറിക്കുറിപ്പുകളെ ആസ്പദമാക്കിയാണ് യോവോ ബോട്ടതലോ ചിത്രം തയാറാക്കിയിരിക്കുന്നത്.മികച്ച വിദേശഭാഷാ ചിത്രത്തിനുള്ള ഓസ്‌കര്‍ മത്സരരംഗത്തുള്ള ചിത്രം സംഗീതത്തിന്റെ സമര്‍ത്ഥമായ ഉപയോഗം വഴിയും പ്രേക്ഷകപ്രീതി പിടിച്ചുപറ്റിയിരുന്നു.ഇന്ത്യ,ജപ്പാന്‍,ചൈന,വിയറ്റ്‌നാം,മലേഷ്യ,പോര്‍ച്ചുഗല്‍ എന്നിവിടങ്ങളിലായിരുന്നു ചിത്രീകരണം .ലോക സിനിമാ വിഭാഗത്തില്‍ പ്രദര്ശനത്തിനെത്തുന്ന ടിനാറ്റിന് കജ്രിഷ്വിലി യുടെ ഹൊറൈസണ്‍,ലൂസിയ മുറാതിന്റെ പാരീസ് സ്‌ക്വയര്‍ , എന്നിവയാണ് ഏഷ്യന്‍ പ്രീമിയര്‍ നടക്കുന്ന മറ്റ് ചിത്രങ്ങള്‍. ഒരു വിവാഹമോചിതന്റെ ആഴമേറിയ ഏകാന്തത പ്രമേയമായ ടിനാറ്റിന്...
Comments
Post a Comment