നല്ല സിനിമകള്‍ എന്ന ലക്ഷ്യത്തില്‍ വിട്ടുവീഴ്ചയില്ലാതെയാണ് ഇക്കുറിയും കേരള രാജ്യാന്തരമേള സജ്ജമാക്കിയിരിക്കുന്നതെന്ന് ചലച്ചിത്ര അക്കാദമി ചെയര്‍മാന്‍ കമല്‍ പറഞ്ഞു. മേളയുടെ നടത്തിപ്പ് ലളിതമായിട്ടാണെങ്കിലും സിനിമകളുടേയോ തീയേറ്ററുകളുടേയോ കാര്യത്തില്‍ യാതൊരും വിട്ടുവീഴ്ചയും ചെയ്തിട്ടില്ല. അടുത്തകാലത്ത് ഇറങ്ങിയിട്ടുള്ള മികച്ച സിനിമകളാണ് മേളയില്‍ പ്രദര്‍ശിപ്പിക്കുന്നത്. ലോകോത്തര നിലവാരമുള്ളവയും വിശ്വപ്രസിദ്ധ സംവിധായകരുടേയും ചിത്രങ്ങളാണ് ലോകസിനിമാ വിഭാഗത്തില്‍ ഉള്‍പ്പെടുത്തിയിരിക്കുന്നത്. ജാഫര്‍ പനാഹി, ഗൊദാര്‍ദ് തുടങ്ങിയ പ്രശസ്ത ചലച്ചിത്രകാരന്മാരുടെ ചിത്രങ്ങള്‍ക്കൊപ്പം മേളയിലെ താരം എന്ന് മലയാളികള്‍ വിശേഷിപ്പിക്കാറുള്ള കിം കി ദക്കിന്റെ ഏറ്റവും പുതിയ സിനിമയും മേളയില്‍ പ്രദര്‍ശിപ്പിക്കുന്നുണ്ട്. പ്രളയ ദുരന്തത്തിന്റെ പശ്ചാത്തലത്തില്‍ ആഘോഷങ്ങള്‍ ചുരുക്കിയാണ് ഇത്തവണ മേള നടത്തുന്നത്. ഡെലിഗേറ്റ് ഫീസായും സ്‌പോണ്‍സര്‍ഷിപ്പിലൂടെയും സമാഹരിക്കുന്ന പണം ഉപയോഗിച്ചാണ് ചലച്ചിത്ര മേള സംഘടിപ്പിക്കുന്നതെന്നും കമല്‍ വ്യക്തമാക്കി.
'ഡാര്‍ക്ക് ഈസ് ദ നൈറ്റ്' ന്റെ ഇന്ത്യയിലെ ആദ്യ പ്രദര്‍ശനം ടൊറന്റോ അന്താരാഷ്ട്ര ചലച്ചിത്രമേളയില്‍ പ്രേക്ഷക പ്രശംസ നേടിയ 'ഡാര്‍ക്ക് ഈസ് ദ നൈറ്റ്' ഉള്‍പ്പെടെ 4 ചിത്രങ്ങള്‍ ജൂറി വിഭാഗത്തില്‍ പ്രദര്‍ശിപ്പിക്കും.ചിത്രത്തിന്റെ ഇന്ത്യയിലെ ആദ്യ പ്രദര്‍ശനമാകും മേളയില്‍ നടക്കുക. 'മുഹമ്മദ്: ദ മെസ്സെജര്‍ ഓഫ് ഗോഡ്', 'ഹൈവേ', 'വടചെന്നൈ' എന്നിവയാണ് പ്രദര്‍ശനത്തിനെത്തുന്ന മറ്റ് ജൂറി ചിത്രങ്ങള്‍. 12 വര്‍ഷത്തെ സിനിമാ ജീവിതത്തിനിടയില്‍ 30ല്‍ പരം ചിത്രങ്ങളൊരുക്കിയ അഡോള്‍ഫോ അലിക്‌സ് ജൂനിയറിന്റെ പുതിയ ചിത്രമാണ് 'ഡാര്‍ക്ക് ഈസ് ദ നൈറ്റ്'. ലഹരി മാഫിയ പിടിമുറുക്കിയ ഫിലിപ്പൈന്‍സിന്റെ നിത്യജീവിത യാഥാര്‍ഥ്യങ്ങളാണ് ചിത്രത്തിന്റെ പ്രമേയം. ഏകപക്ഷീയമായ അടിച്ചമര്‍ത്തലുകള്‍ കൊണ്ട് വിജയിപ്പിക്കാനാകുന്നതല്ല ലഹരി വിരുദ്ധ പോരാട്ടം എന്ന ഓര്‍മപ്പെടുത്തലാണ് ഈ ചിത്രം. അദ്ദേഹത്തിന്റെ ആദ്യ ചിത്രമായ 'ഡോണ്‍സോള്‍' ഫിലിപ്പൈന്‍സില്‍ നിന്നും മികച്ച വിദേശ ഭാഷാ ചിത്രത്തിനുള്ള ഓസ്‌കര്‍ നാമനിര്‍ദേശം നേടുകയും 'ഡെത്ത് മാര്‍ച്ച്', 'മനില' എന്നീ ചിത്രങ്ങള്‍ കാന്‍ മേള...
Comments
Post a Comment