23 മത് രാജ്യാന്തര ചലച്ചിത്രമേളയുടെ ആതിഥേയത്വം വഹിക്കാന്‍ സജ്ജമായി നഗരത്തിലെ തീയേറ്ററുകള്‍. ചലച്ചിത്ര മേളയുടെ പ്രധാന വേദിയായ ടാഗോര്‍ തീയേറ്ററില്‍ അന്താരാഷ്ട്ര നിലവാരത്തിലുള്ള നവീകരണങ്ങള്‍ പൂര്‍ത്തിയായി. ഡോള്‍ബി അറ്റ്‌മോസ് സൗണ്ട് സിസ്റ്റം, ഡിജിറ്റല്‍ പ്രൊജക്ഷന്‍ സിസ്റ്റം തുടങ്ങിയ മികച്ച സാങ്കേതിക മികവുകളോടെ ഇത്തവണ ചലച്ചിത്ര പ്രേമികള്‍ക്ക് മേള ആസ്വദിക്കാം. 1000 പേര്‍ക്ക് ഇരിപ്പിട സൗകര്യമുള്ള ടാഗോര്‍ തീയേറ്ററില്‍ ദിവസം 3 ചിത്രങ്ങള്‍ വീതം പ്രദര്‍ശിപ്പിക്കും. മേളയിലെ പ്രധാന ആകര്‍ഷണങ്ങളായ മീറ്റ് ദി ഡയറക്ടര്‍, ഓപ്പണ്‍ ഫോറം തുടങ്ങിയവയും ടാഗോര്‍ തീയേറ്ററില്‍ ഉണ്ടായിരിക്കും. കൈരളി -ശ്രീ -നിള, കലാഭവന്‍, നിശാഗന്ധി തുടങ്ങിയ ഗവണ്മെന്റ് തീയേറ്ററുകളിലും സ്വകാര്യ തീയേറ്ററുകളിലുമായി 160 തിലേറെ ചിത്രങ്ങള്‍ പ്രദര്‍ശിപ്പിക്കും.
കിഴക്കന്‍ രാജ്യങ്ങളെ ലക്ഷ്യമാക്കി വന്ന പോര്‍ച്ചുഗീസ് നാവികപ്പട വീണ്ടുമെത്തുന്നു,ഇത്തവണ ചലച്ചിത്രമായി.23 ആമത് അന്താരാഷ്ട്ര ചലച്ചിത്ര മേളയുടെ ലോക സിനിമാ വിഭാഗത്തി പ്രദര്ശനത്തിനെത്തുന്ന പിലിഗ്രിമേജ് ആണ് പോര്‍ച്ചുഗീസ് നാവിക പര്യവേഷണങ്ങളുടെ ഓര്‍മപ്പെടുത്തലാകുന്നത് .പിലിഗ്രിമേജ് അടക്കം 8 ചിത്രങ്ങളുടെ ഏഷ്യയിലെ ആദ്യ പ്രദര്‍ശനത്തിനും മേള വേദിയാകും. 16 ആം നൂറ്റാണ്ടില്‍ ജീവിച്ചിരുന്ന പോര്‍ച്ചുഗീസ് നാവികന്‍ മെന്‍ഡസ് പിന്റോയുടെ ഡയറിക്കുറിപ്പുകളെ ആസ്പദമാക്കിയാണ് യോവോ ബോട്ടതലോ ചിത്രം തയാറാക്കിയിരിക്കുന്നത്.മികച്ച വിദേശഭാഷാ ചിത്രത്തിനുള്ള ഓസ്‌കര്‍ മത്സരരംഗത്തുള്ള ചിത്രം സംഗീതത്തിന്റെ സമര്‍ത്ഥമായ ഉപയോഗം വഴിയും പ്രേക്ഷകപ്രീതി പിടിച്ചുപറ്റിയിരുന്നു.ഇന്ത്യ,ജപ്പാന്‍,ചൈന,വിയറ്റ്‌നാം,മലേഷ്യ,പോര്‍ച്ചുഗല്‍ എന്നിവിടങ്ങളിലായിരുന്നു ചിത്രീകരണം .ലോക സിനിമാ വിഭാഗത്തില്‍ പ്രദര്ശനത്തിനെത്തുന്ന ടിനാറ്റിന് കജ്രിഷ്വിലി യുടെ ഹൊറൈസണ്‍,ലൂസിയ മുറാതിന്റെ പാരീസ് സ്‌ക്വയര്‍ , എന്നിവയാണ് ഏഷ്യന്‍ പ്രീമിയര്‍ നടക്കുന്ന മറ്റ് ചിത്രങ്ങള്‍. ഒരു വിവാഹമോചിതന്റെ ആഴമേറിയ ഏകാന്തത പ്രമേയമായ ടിനാറ്റിന്...
Comments
Post a Comment